布簾
- 優點
- 款式、顏色、遮光程度選擇最多；軌道可以貼合異形窗、轉彎，連用嚟間房都做得到。
- 取捨
- 其實冇特別嘅缺點；唯一係款式同布料太多，冇辦法全部帶上門畀你揀。
- 適合
- 幾乎邊度都得，除咗辦公室。
遮得住陽光 · 守得住私隱
窗簾
擋走刺眼嘅陽光，屋企多一份私隱 一幅靚嘅窗簾，間房都唔同晒
捲簾 / 斑馬簾
- 優點
- 收起嚟平整利落；有遮光款可揀；斑馬簾融合咗紗簾結構，可以調節光線；風格簡約。
- 取捨
- 兩側捲軸五金一定會漏光；開窗有風會飄，配件會撞牆或者窗框；太寬嘅窗要分成幾節。
- 適合
- 辦公室、書房、細窗。
百葉簾
- 優點
- 葉片角度任意調整，調光最精準；鋁百葉款防潮；木同仿木有質感。
- 取捨
- 要逐片抹；鋁葉片撞凹咗冇辦法復原；做唔到全遮光。
- 適合
- 商業場所；屋企嘅書房、廁所、廚房，或者裝飾窗。
蜂巢簾
- 優點
- 中空蜂窩夾層加埋外層鋁箔，隔熱係所有窗簾入面最強嘅一款。
- 取捨
- 同捲簾一樣兩側都會漏光；淨係啱直窗；價錢偏貴，又怕潮、容易積塵（浴室、廚房用唔到）。
- 適合
- 西曬房、向北房、書房、辦公室、細窗。
我哋仲有垂直簾、羅馬簾、布冚、紗簾、彈弓捲簾，同電動款式。 話我哋知你嘅需要，等我哋幫你搵返最啱你嘅。
常見問題 常見問題
上面呢幾款，已經涵蓋咗大部分客人嘅選擇。 如果你想搵其他款式，歡迎 WhatsApp 我哋。
我哋嘅布簾車好之後，會做一次高溫消毒定型，再逐間房獨立包裝。 所以只要屋企清潔完，師傅裝好路軌就可以直接掛上去，唔使特登先洗一次。
唔使特登洗。大部分窗簾都係垂直掛住，同牆身一樣，唔使成日抹，正常開合就得。 百葉簾就要定期抹吓葉片，保持清潔。
度尺等油完牆先最準，裝就擺到裝修最後。 如果你有訂造傢俬，記得叫傢俬公司預留窗簾位。好多時佢哋會漏咗，啲位撞晒就麻煩。
有，電動、手機 app、智能家居都做到。 最好裝修時預留個電掣位，用起嚟最就手；冇預留就要做叉電款，功能少啲。
我哋為自己嘅客戶提供免費度尺服務。 不過喺師傅上門之前，我哋會先同你收 500 蚊意向定金，呢筆錢最後會喺正式訂單入面扣除。 建議你先將現場資料 Send 畀我哋，我哋會先畀你一個初步報價。如果你覺得啱，我哋再安排上門度尺。
歡迎使用 FPS 或現金付款。 分三步：上門前先用 FPS 過 500 蚊意向定金；確認方案、開始訂造嗰陣，補足到訂單總額嘅 50%；貨到、裝好驗收之後，就收埋尾數。
一般訂造大約兩三個星期。 成個流程係咁：WhatsApp 傾 → 初步報價 → 上門度尺、確認方案同價錢 → 入廠訂造 → 約時間上門裝、驗收。
有，我哋提供一年保養，人為損壞除外。
想知多啲？或者想預約上門度尺？歡迎 WhatsApp 我哋！